ՀՀ ԱՆ. Քննարկվել են զարգացման հեռանկարները

Լիտվայի առողջապահության նախարար Ռիմանտե Շալաշևիչյուտեի հրավերով ՀՀ առողջապահության նախարար Արմեն Մուրադյանը Մինսկից մեկնել է Վիլնյուս։ Նպատակը` առողջապահության ոլորտում հայ-լիտվական համագործակցության ընդլայնումն է։

Երկու երկրի նախարարների մասնակցությամբ քննարկվել են բժշկական ապահովագրության, առողջապահական համակարգի ֆինանսավորման և այլ հարցեր: 

Կաունաս քաղաքում Արմեն Մուրադյանի գլխավորած պատվիրակությունն այցելել է Լիտվայի համալսարանի բժշկական գիտությունների հիվանդանոց («Kauno klinikos»): 

Նախարարին են ներկայացվել Լիտվայի հաջողությունները փոխպատվաստման, սրտաբանական ծառայության, բնակչությանը ցուցաբերվող բժշկական օգնության որակի ոլորտներում: Անդրադարձ է կատարվել նաև ներհիվանդանոցային վարակների կանխարգելմանն ուղղված միջոցառումներին:

Դեղերի վերահսկողության պետական ծառայությունում տեղի առաջատար մասնագետները մեր պատվիրակությանը ծանոթացրել են Լիտվայի դեղերի շուկայի կառավարման փորձին: Այցելություններ են կազմակերպվել նաև դեղագործական ընկերություն, որտեղ հայկական կողմին ներկայացվել են արտադրական պայմանները: Պատվիրակությունը շրջել է նաև Վիլնյուսի «Santariškių klinikos» բժշկական կենտրոնում:

Հարցեր, պատասխաններ, մեկնաբանություններ